Nëpërmjet një postimi në rrjetet sociale, portieri Kushtrim Mushica ka dhënë lajmin e bukur se i ka dhënë fund beqarisë. Ai celebruar në martesë dashurinë me partneren e tij Linda, me të cilën ka disa vite bashkë.
Në fotografinë e postuar nga ai, shihet momenti kur çifti është duke firmosur. Portieri është i veshur me një kostum blu ndërsa bashkëshortja me fustan të bardhë.
Ngjarja ka ndodhur një ditë më parë, ku përkoi edhe me ditëlindjen e Lindës. “Urime ditelindja Linda MUSHICA. Zemer, dhurate per ditelindje mbiemrin ta dhurova e mbajsh me shendet”, shkruan portieri.
Po në këtë datë një vit më parë çifti u fejua me një ceremoni në prani të familjarëve dhe miqve.
Bashkëshortja e Mushtricës, Linda është shquar për bukurinë e saj. Nga fotot e publikuara në “Facebook”, ajo shihet të ketë bërë edhe disa sete fotografike.