Paris Hilton ishte në panik pasi e kishte humbur unazën e saj te fejesës me vlerë hiç më pak se dy milionë dollarë.
Hilton e humbi këtë unazë derisa ishte në një festë në një klub nate në Miami.
Megjithatë, paniku përfundoi shpejt për të – pasi unaza e saj u gjet disa tavolina më larg se ku ajo po rrinte, në një shportë me akull.
Hilton sapo e kishte vërejtur se po i mungonte unaza, kishte lajmëruar të fejuarin, Chris Zylka dhe sigurimin e klubit të natës ku ata ishin, për të marrë veprimet e duhura.
Sipas atyre që ishin poashtu të pranishëm në këtë klub nate, sigurimi kishte nisur menjëherë të kërkojë në detaje në gjithë zonën VIP, e bashkë me ta ishte edhe i fejuari i trashëgimtares së pasur.
Megjithatë duket se përpos sigurimit dhe të gjithë të pranishmëve aty, kjo ngjarje i ka rënë në sy edhe DJ-it që po bënte muzikë atë natë, Above & Beyond.
“Paris Hilton, më vjen mirë që të takova dhe jam i lumtur se ke gjetur unazën”, kishte shkruar ai në një postim në Twitter.
Chris i propozoi Paris në Aspen në muajin dhjetor. Unaza e fejesës llogaritet të ketë vlerë prej 2 milionë dollarësh dhe raportohet se ka ekipin e vet të sigurimit.
“Unaza ishte kaq e bukur dhe rrëzellitëse. Po dridhesha kur e vura për herë të parë në dorë. Është unaza më e bukur që e kam parë ndonjëherë”, kishte thënë Hilton për revistën People.
