Cardi B siguroi që paraqitja e saj në Saturday Night Live të jetë e paharrueshme, pasi ajo zbuloi edhe shtatzëninë e saj.
Reperja promovoi albumin e saj në këtë shfaqje, ku kishte të veshur një fustan të bardhë me anë të cilit shfaqi barkun në rritje.
Cardi, e cila u bë reperja e dytë femër që arriti majat e Billboard Hot 100 me “Bodak Yellow”, mohoi thashethemet e shtatzënisë për muaj të tërë.
Ajo dhe Offset nga Migos, janë fejuar që nga tetori i vitit të kaluar, pasi ai i propozoi asaj gjatë një koncerti live.
“Cardi dhe unë mezi presim kapitullin tonë të ardhshëm bashkë”, shkroi Offset menjëherë pas zbulimit të lajmit.
