Angela Martini është një nga modelet më të komentuara në media për karrierën dhe veçanërisht për jetën e saj private. Pas martesës së shkodranes me biznesmenin rumun, të gjithë ndjekësit kanë parë momente nga më të ndryshmet të jetës së saj. Këtë herë, Angela ka ndarë me ta një ndryshim që ka bërë në pamjen e saj.
Ajo ka vendosur të ndryshojë ngjyrën e flokëve dhe t'i bëjë ato të zeza. Flokët me ngjyrë të errët duket se i shkojnë tejmase bukuroshës shkodrane. Pas martesës me Dragos Savulescu, Angela është tërhequr nga modelingu duke mos qenë më aq aktive sa dikur, por gjithsesi ajo vazhdon të ruajë format perfekte.
