TopAwards/ Fuego, zbulimi më i ri i “ON Records”

Mediale Vip

TopAwards/ Fuego, zbulimi më i ri i “ON Records”

Më: 21 maj 2018 Në ora: 19:36
Fuego

Familjes së “On Records” i është shtuar një tjetër pjesëtar dhe në fakt duket se është një tjetër zbulim i kësaj shtëpie diskografike. Pas promovimit të dy talenteve të reja, Fero dhe Rina, “On Records” duke se ka goditur sërish në shenjë dhe kësaj radhe me Fuegon.

Fuego, emri i vërtetë i të cilit është Ensar Elshani, është një reperi i ri, i cili është gjithashtu mjaft i ri në moshë, vetëm 18-vjeç. Ai ka vetëm pak javë që ka publikuar projektin e tij më të ri muzikor të titulluar “Homie” në bashkëpunim me Zzap.

Kjo këngë, në klipin e së cilës shfaqet edhe Fero, ka tërhequr menjëherë vëmendjen e publikut shqiptar, duke u renditur në vendin e 95-të në klasifikimin e “The Top List”.

Prodhuar nga ZzapnChriss, ky projekt muzikor ka marrë mjaft komente pozitive në kanalin e “Youtube”, duke treguar kështu që ky është një fillim i mbarë për këtë reper të ri.

Menaxheri i tij, Met Elshani, ka zbuluar për “Top Awards” se Fuego pritet të vijë me disa bashkëpunime në të ardhmen, për të cilat premton se do të jenë shumë të mira.

Sot mund të lexoni Shfletoni kopertinat