Capital T duket se ka vetëm një konkurrent dhe ajo është vetja e tij kur bëhet fjalë për publikimin e projekteve të reja muzikore. Reperi i njohur ka arritur të thyejë serish rekordin e tij në klasifikimin e “The Top List”, duke qenë artisti i vetëm me 11 këngë në listë.
Ky rekord më parë mbahej nga vetë ai, i cili duket është i vendosur të mos lejojë askënd që ta mposhtë atë.
Kapoja sapo ka publikuar projektin e tij më të ri muzikor, i cili është një bashkëpunim me Granit Derguti, i titulluar “Take a shot”.
Prodhuar nga dyshja e artistëve dhe njëkohësisht nga Elena Kelmendi, kjo këngë ka marrë menjëherë vëmendjen e publikut shqiptar, duke e bërë atë pjesë të klasifikimit, që në javën e parë të publikimit.
Ndërkohë që ka marrë mjaft komente pozitive nga ana e fansave të dy artistëve, “Take a shot” për këtë javë mban vendin e 82-të.
Capital T vazhdon të jetë në listë edhe me 10 projekte të tjera muzikore përveç “Take a shot”. Këngët e tij, të cilat për një kohë të gjatë qëndrojnë në listë, njëkohësisht renditen mjaft mirë.
“Pasha jeten”, “Andiamo”, “Pse po ma lun lojen”, “Hatixhe”, “Lejla”, “Across the world”, “Pa Cenzure”, “Numra”, “Gucci” dhe “Ulu” renditen përkatësisht në vendin e 5-të, 17-të, 22-të, 29-të, 36-të, 39-të, 60-të, 83-të, 89-të dhe 95-të.
