Varroset Suad Jamini, basisti i rock-grupit Jericho

Mediale Vip

Varroset Suad Jamini, basisti i rock-grupit Jericho

Më: 15 qershor 2018 Në ora: 17:30
Suad Jamini

Mes familjarëve, miqve e kolegëve, iu dha sot lamtumira e fundit Suad Jaminit, basistit të rock-grupit kosovar ‘Jericho’, i cili vdiq të enjten mbrëma.
Mësohet se Jamini ka vdekur në Qendrën Klinike Universitare të Kosovës, ndërsa deri tash nuk ka ndonjë informacion zyrtar për vdekjen e tij.

Lajmi për vdekjen e Suadit u bë i ditur nga bashkëshortja e tij, ndërkaq të shumtë kanë qenë ata që kanë ngushëlluar familjen dhe janë shprehur të tronditur nga ky lajm.

Rok-grupi “Jericho” njihet për tekstet dhe muzikën e veçantë dhe çdoherë me mesazh të fortë.

Pjesë e grupit, përveç të ndjerit Jamini, janë edhe vokalisti Petrit Çarkaxhiu, kitaristi Leonard Canhasi dhe bateristi Visar Rexha.

Ai ka lënë pas gruan dhe dy fëmijë.

commentFirst article
Sot mund të lexoni Shfletoni kopertinat