Ka kohë që nuk ka sjell ndonjë këngë të re. Është fjala për këngëtaren nga Maqedonia, Altuna Sejdiu e cila është shkëputur nga projektet muzikore.
Ajo i është përkushtuar familjes, djalit, Tianit ndërsa nuk është parë fare në evente apo mbrëmje muzikore.
Me anë të një postimi të publikuar në Instagram, ajo shfaqet në studion e kompozitorit të njohur maqedonas, Darko Dimitrov që siç shihet po vjen me diçka të re.
“Baba”, ka shkruar ajo.
Paraqitja e saj e fundit mbetet ajo në “Kënga Magjike 2016”, ku u prezantua me projektin muzikor “Duam”, një baladë mbresëlënëse të cilën e këndoi sa ishte shtatzënë dhe ia dedikonte fëmijës së saj.
