Kanë mbetur pak ditë nga koncerti livenga Elvana Gjata në Parkun e Bibliotekës Kombëtare në Prishtinë. Edhe DJ Gamblemania do të jetë pjesë e koncertit.
Ky koncert tashmë është bërë edhe traditë e bankës ProCredit e cila është mbrapa tërë këtij organizimi madhështor. Koncert i nivelit të tillë ishte organizuar edhe vitin e kaluar ku sipas një posti në Facebook, Alban Skenderaj kishte falënderuar rreth 17,000 njerëz për pjesëmarrje.
Elvana Gjata ka filluar përgatitjet për këtë koncert e këtë e mësojmë nga fotot që ajo ka postuar në rrjete sociale.
Performanca e Elvanës do të shoqërohet me bend profesional dhe balerinë. Me hyrje falas, koncerti fillon në ora 19:00.
