Almeda Abazi dhe Tolgahan Sayisman janë një nga çiftet më të dashura për publikun shqiptar dhe atë turk. Nga postimet e tyre në rrjetin social “Instagram” duket se dyshja ka nisur pushimet dhe kanë ndërmarrë një tur në plazhet e Turqisë duke udhëtuar me një jaht luksoz.
Ndërkohë nga fotot e publikuara nga Almeda kuptohet se me to është edhe motra e saj me partnerin dhe disa miq të tyre.
Por gjatë këtyre pushimeve Almeda dhe Tolga nuk kanë mundur dot që t’i fshihen aparatit fotografik të paparacit. Ata janë fotografuar duke u grindur në jaht teksa aktori shihet ta ketë kapur prej flokësh bashkëshorten, por gjithçka në formë shakaje.
Almeda i ka postuar fotot duke i komentuar me mbishkrimet: “Stop dhunës ndaj grave” ndërsa në foton ku shihet e motra duke i ndarë, Almeda shkruan: “Supermenia ime u hodh direkt të më ndihmonte”. Çifti më pas shihet duke qeshur e duke luajtur së bashku me motrën e Almedës.
