Aktori Bes Kallaku dhe këngëtarja Xhensila Myrtezaj janë bërë prindër për herë të parë të një vajze, të cilën e pagëzuan me një emër shumë të veçantë. Vajza e çiftit të famshëm quhet Ajka.
Të afërm dhe miq të shumtë iu bashkuan gëzimit të Besit dhe Xhensilës, duke i uruar për vogëlushen e tyre. Një urim të veçantë çiftit ja ka bërë edhe këngëtarja Greta Koçi.
“Me jetë të gjatë e plot bekime për engjëllin e vogël Ajka. Urime me gjithë zemër Xhensila Myrtezaj dhe Bes Kallaku”, shkruan Greta në postimin e saj në Instastory ku na tregon edhe dhuratat e veçanta që i ka bërë Xhensilës dhe vogëlushes së saj.
Greta i ka dhuruar mami Xhensilës një buqetë me lule, ndërsa për vogëlushen e saj disa tullumbace.