Kryetari i Mitrovicës Veriore – Goran Rakiq, dhe Shefja Ekzekutive e Administratës Komunale -Adriana Hoxhiq, u takuan me shefin e UNMIK-ut Zahir Tanin dhe ekipin e tij.
Siç thuhet në njoftimin për media, qëllimi i kësaj vizite tij ishte njohja me gjendjen aktuale në Komunën e Mitrovicës Veriore. Me këtë rast, kryetari Rakiq dhe Adriana Hoxhiq e njoftuan delegacionin e UNMIK-ut për situatën aktuale të sigurisë, ekonomisë dhe nevojat e qytetarëve.
Po ashtu një vëmendje e veçantë i është dhënë çështjeve që lidhen me lëshimin e dokumenteve të Qendrës për Shërbime të Qytetarëve në departamentin e administratës komunale në këtë komunë.
Po ashtu Tanin ka shprehur interesim për të ndihmuar pushtetin lokal në gjetjen e zgjidhjeve për vështirësitë aktuale teknike.
