Sipas shoqatave të ndryshme të depresionit dhe stresit, çrregullimet e shqetësimit janë ndër sëmundjet më të zakonshme mendore në SHBA, ku i prekin rreth 40 milionë të rritur, apo 18 përqindëshin e popullit amerikan.
Dhe, përderisa ka shumë mënyra për trajtimin e këtij fenomeni, siç është këshillimi, terapia e relaksimit, ndryshimet e stilit të jetesës, etj., hulumtimet e fundit tani zbulojnë se mund të jetë një vitaminë e rëndësishme çelësi për ta hequr shqetësimin dhe stresin që e keni.
Niacini apo Vitamina B3 është esenciale për riparimin e ADN-së, sintezën e hormoneve steroidale dhe për energjinë metabolike.
Niacini e ka aftësinë për t’i relaksuar indet muskulore dhe rrjedhimisht kjo shpie në qarkullim më të madh të gjakut dhe në zvogëlim të shtypjes së lartë të gjakut.
Sa i përket shqetësimit, niacini vepron si kundërhelm ndaj adrenalinës, e cila shpeshherë mbi-prodhohet te personat që vuajnë nga shqetësimi.
Niacini, siç besojnë disa ekspertë, mund të ndihmojë në zvogëlimin e shqetësimit dhe depresionit edhe përmes promovimit të gjumit më të mirë.
Sasia ditore e rekomanduar e vitaminës B3 dallon nga mosha dhe gjinia, prandaj konsultohuni me doktorin para se të merrni ndonjë suplement.
