Gjykata e lartë në Korenë e Jugut ka marrë më në fund vendimin mbi bosin e Samsung-ut duke refuzuar kërkesën e prokurorëve për të nxjerrë një urdhër arresti për Lee Jae-Yong.
Gjykatësit vendosën ketë mëngjes se nuk ka pasur arsye të mjaftueshme për të arrestuar zotin Lee mbi akuzat e ryshfetit, përvetësim dhe dëshmi të rreme.
Rasti në fjalë është i lidhur me skandalin masiv që çoi në shkarkimin e presidentes së vendit , Park Geung-hye, shkruan “BBC”.
Zoti Lee, i njohur gjithashtu si Jay Y Lee, është marrë në pyetje për më shumë se 20 orë në zyrën e prokurorit në Seul javën e kaluar.
Ai është aktualisht nënkryetar i “Samsung Electronics”, pasi babai i tij, Lee Kun-hee, pësoi një atak në zemër në vitin 2014 dhe konsiderohet de facto si bosi i të gjithë konglomeratit “Samsung Group’.
Samsung është akuzuar për dhënien e donacioneve për fondacione jofitimprurëse që drejtohen nga një mikeshë e zonjës Park, në këmbim të favoreve qeveriatare.
