Megjithëse zbulimi i tij zyrtar nuk ka sjellë ndonjë hollësi rreth asaj se kur do të debutonte në treg, modeli Essential Phone kishte në objektiv të brendëshm për të nisur me dërgesat për ata që para-porositën pajisjen deri në fund të qershorit.
Ky afat u zbulua nga vetë Andi Rubin, bashkë-themeluesi i sistemit operativ Android dhe kreu i sipërmarrjes së re Essential.
Kjo padyshim nuk ka ndodhur, megjithatë. Pas disa javësh heshtjeje të plotë nga Essential dhe Rubin për këtë çështje, sot llogaria zyrtare e Twitter e Essential ka publikuar mesazhin që mund të shihni mëposhtë.
Pra, lajmi i mirë është se pritja është pothuajse e përfunduar. Lajm i keq është se nuk ka përfunduar dhe se “disa javë” me të vërtetë mund të nënkuptojë shumë gjëra.
Ne jemi duke shpresuar që një afat më konkret do të zbulohet së shpejti, por deri atëherë le të supozojmë se nëse keni paraporositur një telefon Essential, do ta keni atë në duart tuaja deri në fund të gushtit më së voni.
Telefoni Essential krenohet me një ekran me prekje prej 5.71 “1.312×2.560”, dhe është i mundësuar nga Snapdragon 835 SoC i Qualcomm. Ka 4GB RAM, 128GB hapësirë ruajtjeje, një kornizë titani, pjesë të prapme qeramike dhe një kamerë të dyfishtë. Bateria prej 3,040 mAh mban dritat ndezur dhe pajisja operon me Android 7.1.1 Nougat.
