Iphone X, kamera para po i “tmerron” përdoruesit

Mobile

Iphone X, kamera para po i “tmerron” përdoruesit

Më: 9 nëntor 2017 Në ora: 22:19
Iphone X

Apple e ka quajtur iPhone X “e ardhmja e iPhone”, kjo për shkak të teknologjisë së lartë që disponon ky smartfone.

iPhone X ka ardhur me një kamerë të re përpara të quajtur “TrueDepth”, e cila shkrep ‘selfie-t’ me kamerën 7-megapiksel që përdor një kamerë infra të kuqe në gjendje të kapë edhe karakteristikat e detajuara të fytyrës.

Është shumë herë më e mirë se çdo kamerë e përparme e prodhuar më parë. Madje është aq e mirë sa në fakt, disa prej përdoruesve janë tmerruar disi.

‘Selfie-t’ e iPhone X me sistemin “TrueDepth” po zbulon disa tipare për të cilat nuk jemi edhe aq shumë krenarë, të paktën për disa përdorues.

Kamera “TrueDepth” është goxha precize – por kjo është detyra e saj. Është e njëjta kamerë që përdoret për të njohur fytyrën dhe për të zhbllokuar celularin, ose siç quhet ndryshe “Face ID”, që lejon përdoruesit të hapin celularin vetëm me një shikim.

Nëse ajo kamerë nuk do të kishte atë precizion, atëherë dikush tjetër mund të kishte akses në iPhone tuaj.

Me sa duket duhet të pajtohemi me pamjen tonë të vërtetë, ose të marrim filtra më të mirë, pasi Apple nuk do të prodhojë kamera më të dobëta për të zhdukur pasiguritë tona.

Image
Twitter
Image
Twitter
Sot mund të lexoni Shfletoni kopertinat