Një telefon OnePlus me kapacitet 5G është konfirmuar të jetë në pregatitje nga krijuesi kinez.
Lajmi, që raportohet nga PhoneArena, transmeton komentet e bëra nga CEO i OnePlus Pete Lau në Kongresin Botëror të Celularëve Shanghai se kompania tashmë ishte duke “punuar me operatorët amerikanë” ndërsa planifikon të lansojë një telefon 5G vitin e ardhshëm.
Tani, ky është një lajm shumë emocionues për tre arsye kryesore.
Së pari, na tregon se pajisjet 5G dhe, natyrisht, rrjetet po afrohen me shpejtësi, dhe siç pritet, përfitimet që të dyja do të japin do të jenë të mëdha.
Së dyti, OnePlus 6 është tashmë një nga telefonat më të shpejtë në treg dhe në OnePlus 6, të gjithë u fascinuan nga “fuqia dhe shpejtësia marramendëse”, raporton T3.
Por një lidhje 5G, do ta bënte atë një nga telefonat më të mençur dhe të shpejtë të të gjitha kohërave.
Një 5G OnePlus 7 do të ishte gjithashtu një rival tepër i fuqishëm për Samsung Galaxy S10, i cili tashmë po duket sikur do të jetë një mjet jashtëzakonisht i fuqishëm.
Dhe, së treti dhe më në fund, nëse OnePlus po “punon me operatorët amerikanë”, atëherë kjo do të thotë që OnePlus-i i aftë për 5G, do të jetë në dispozicion për klientët amerikanë dhe global nëpërmjet transportuesve në plane mujore.
