Trupa muzikore e Orkestrës Frymore të Forcave të Armatosura zhvilloi të dielën koncertin muzikor “Këndo Shqip”. Koncerti u realizua tek Salla e Universitetit të Arteve me fëmijët e ushtarakëve dhe shoqërisë civile, nën kujdesin e ministres Mimi Kodheli.
Zëvendësministri i Mbrojtjes, Petro Koçi në fjalën e tij përshëndetëse u shpreh se koncerti është një thirrje për ne të rriturit, për të bërë gjithçka, deri të pamundurën që t’jua bëjmë të lumtur jetën këtyre.
Gjatë aktivitetit u interpretuan këngë dhe valle të ndryshme nga fëmijët, të shoqëruar edhe nga trupa muzikore e Orkestrës Frymore të FA.
Qëllimi i këtij aktiviteti është rikthimi i traditës së interpretimit të këngës për fëmijë me tinguj të vërtetë të botës fëminore.
