Kompozitori dhe dirigjenti amerikan, Gregory Charette do të mbajë nesër në Prishtinë ligjëratën “Ri-mendimi i eksperiencës muzikore”.
Kjo ligjeratë i paraprinë edicionit të 12-të të Festivalit Ndërkombëtar të Muzikës DAM, i cili do të hapet më 31 mars 2017 dhe këtë vit do të shmangë prezantimet tradicionale nëpër salla tradicionale.
Dirigjenti Charette do të flet në lidhje me zhvillimin e kësaj ideje tash e sa vjet, nga kolektivi muzikor “Oerknal!” me bazë në Holandë, të cilin e kishte themeluar bashkë me një grup muzikantësh.
“Oerknal!” është kolektiv unik i cili eksperimenton me modele të reja të interpretimit të muzikës dhe fokus ka muzikën bashkëkohore.
