Një burrë nga Sichauni i Kinës, që ka mbetur i vejë pasi i ka vdekur gruaja nga kanceri, e ka blerë një kukull gome të cilën e ka konsideruar si grua të dytë.
Zhang Wenliang, i cili ishte për 40 vite në martesë, kur ka mbetur pa bashkëshorten e jetës ka zgjedhur të jetojë me këtë lodër të destinuar për simulimin e marrëdhënies seksuale.
Por, për fat të keq, 70-vjeçari ka mbetur edhe pa këtë mjet me përmasa njerëzore, sepse i është ndarë në gjysmë.
I dëshpëruar për këtë ndodhi, ai është mërzitur keq, ndaj mendon ta padisë kompaninë e prodhimit.
Për një vit me radhë, Wenliang kishte bërë gjithçka me kukullën e silikonit, përfshirë edhe shëtitjen jashtë shtëpisë.
Doktori i pensionuar për çdo ditë e kishte veshur me rrobet që i përkisnin gruas së tij të parë.
“Është një tragjedi tjetër për mua, sepse më vdiq edhe gruaja e dytë”, ka thënë ai për lodrën që lëshon tinguj dhe i ndryshon temperaturat e trupit.
