Një grua nga Vietnami e ka pranuar që ka paguar që t’ia presin këmbët dhe gjysmën e krahut, në këmbim të pagesës së sigurimit shëndetësor.
Në maj, 30 vjeçarja e cila quhet Ly Thi N, pretendonte që është goditur nga treni, mirëpo tani ajo e ka pranuar që i ka paguar një miku të saj 1,660 euro që t’ia priste gjymtyrët.
Qëllimi i saj ishte që të përfitonte 150 mijë dollarë nga kompania e sigurimeve.
I njëjti mik që asaj ia kishte prerë gjymtyrët kishte telefonuar në ambulancë për të thënë se e kishte gjetur një grua pa gjymtyrë afër një hekurudhe.
Fotografitë e publikuara në një gazetë shfaqin gruan tre muaj më vonë me plagët e shëruara.
Sipas mediave lokale, ajo kishte probleme të mëdha në biznesin e saj.
