Si foshnje, Adam dhe Neil Pearson dukeshin aq të ngjashëm, sa edhe nëna e tyre madje shpesh herë i ngatërronte .
Tashmë, ata duken kaq të ndryshëm nga njëri-tjetri, sa është e vështirë të besohet se ata janë binjakë.
Fytyra e Adamit është shpërfytyruar nga tumoret jo-kanceroze që nisën të rriteshin në mënyrë të pakontrolluar kur ai ishte fëmijë.
Pavarësisht nënshtrimit të 33 operacioneve për t’i hequr ato, 31-vjeçari ka mbetur i verbër në njërin sy dhe gradualisht po e humbet vizionin edhe tek tjetri.
Ai thotë se në shkollë u quajt “Quasimodo”, për shkak të pamjes së tij të shëmtuar, por pavarësisht kësaj, ai ka arritur të bëhet një moderator televiziv dhe një “luftëtar” për njerëzit me deformime.
Vëllai i tij, Neil, gjithashtu vuan nga të njëjtat probleme gjenetike, por tumoret nuk rritet në fytyrën e tij.
Në vend të kësaj, ai lufton me epilepsinë dhe humbjen e kujtesës. Ai nuk mund të mbajë mend edhe se çfarë dite është.
Binjakët vuajnë nga tipi 1 neurofibromatosis (NF1), që prek 1 në 3.000 njerëz.
Vëllezërit u rritën në Croydon, në jug të Londrës, ku jetojnë edhe sot e kësaj dite me prindërit e tyre Marilyn dhe Patrick.
