Arinjtë nuk kanë qejf që të ndajnë me të tjerët ushqimin, madje as me llojin e vetë dhe si hamës të mëdhenj, janë gati të luftojnë për ta mbrojtur këtë ‘parim’.
E tillë ishte skena e filmuar nga fotografi i natyrës, Giuseppe D’Amico në Rusi, ku dy arinj u ndeshën për kontrollin e rrjedhës së një lumi, ku që të dy kishin zbritur për të peshkuar.
“Beteja zgjati rreth 5 minuta dhe në fund nuk pati asnjë fitues. Arinjtë u ndanë dhe njëri vijoi të kërkojë për salmon në krykëderdhjen e lumit, ndërsa tjetri u rikthye në pyll”, thotë D’Amico.
Fotot janë shkrepur në Parkun e Liqenit Kurile, i njohur si një ndër liqenet më të pasura në botë me salmon.
