Franca sapo e ka miratuar një ligj për ndalimin e përdorimit të gotave dhe takëmeve tjera të plastikes.
Ky ligj, i cili do të futet në fuqi në vitin 2020, do të sigurojë se të gjitha pjatat, gotat, thikat dhe pirunët e hedhshëm duhet të prodhohen nga materialet me burime biologjike dhe që të mund të kompostohen.
Kjo është lëvizja më e fundit e Francës drejt tranzicionit në një vend të gjelbër.
Në fillim të këtij viti, supermarketet dhe dyqanet në Francë janë urdhëruar që të mos përdorin qese të plastikes.
Çdo vit, rreth 4.73 miliardë gota të plastikes hedhen në Francë. Vetëm 1% e tyre riciklohen.
