Gjykata i ka dhënë të drejtë familjes së një gruaje, e cila vdiq në spital pas lindjes, duke e detyruar institucionin e kujdesit shëndetësor t’i paguajë një dëmshpërblim të madh bashkëshortit. Ngjarja ka ndodhur në spitalin e Kremonës në Itali, më 6 janar 2014. Daniela, 41 vjeçe, nënë e dy fëmijëve, ka lindur një fëmijë të vdekur dhe ka ndërruar jetë edhe vetë në spital një javë më pas.
Ekspertiza ka nxjerrë se shkaku i vdekjes ka qenë shoku septik. Por mjekët gjinekologë dhe shefi i repartit kanë thënë se i kishin ngatërruar simptomat me ato të depresionit pas lindjes. Bashkëshorti i gruas ka hedhur në gjyq mjekët dhe shefin e repartit të gjinekologjisë. Gjykata ka vendosur në favor të tij, duke e detyruar spitalin t’i paguajë familjes së të ndjerës një dëmshpërblim prej 750 mijë eurosh.