Teksa kontrollonte pamjet e kamerave të sigurisë në shtëpi, Cody Wray nga Florida zbuloi se çfarë bënte djali i tij në mes të natës.
Siç shihet edhe në videon e postuar nga babai i tij, vogëlushi zgjohej shpesh në orën 2 të natës dhe luante në divan, fikte e ndizte dritën e kuzhinës dhe bridhte nëpër dhomë.
Wray i hodhi këto pamje në faqen e tij në "Facebook", duke e shoqëruar edhe me mbishkrimin: “Duke parë pamjet e kameras së sigurisë, pashë këtë në mes të natës në kuzhinë.
Kur gjeta videon, nuk po dija të vendosja nëse duhet ta ndëshkoja që luante në divanin e ri, apo ta përqafoja për këtë surprizë të këndshme që s'e kisha parë kurrë”.
