Një baba që e ka vrarë përdhunuesin e vajzës së tij, ka pranuar 40 vjet burgim – vetëm për të mos e lejuar vajzën që të dëshmojë në gjykatë.
Jay Maynor, ka qëlluar për vdekje Raymond Earl Brooks në vitin 2014 dhe këtë javë ai e ka pranuar fajësinë, si pjesë e një ujdie që vajza e tij, Julia Maynor, nuk do të kishte nevojë që të dëshmonte.
Maynor, tani nënë e tre fëmijëve, ishte abuzuar seksualisht nga Brooks për disa vjet me radhë derisa i mbushi tetë vjet.
Duke folur për babain e saj që u dënua me 40 vjet heqje lire, ajo ka thënë se ka një “baba të mrekullueshëm që gjithmonë e ka mbrojtur”.
“Ai pranoi ujdinë në mënyrë që unë të mos i them gjërat që ai më ka bërë para shumë njeërzve. Babai im po më mbronte ashtu siç duhet të bëjë secili baba. Ai është një baba i mrekullueshëm”, është shprehur ajo.