Video e 10 vjeçares Kaylee Rodgers, e cila këndon këngën e famshme të Leonard Cohen me korin e shkollës së saj, ka entuziazmuar miliona persona në mbarë botën.
Pak ditë më parë, për performancën e korit të fëmijëve me aftësi të kufizuara me rastin e Krishtlindjeve në shkollën “ Killard House School” në Donaghadee, qytet në rajonin Down në Irlandën e Veriut , Kaylee Rodgers ishte zgjedhur për të kënduar “Hallelujah” të Cohen.
Performanca e 10 vjeçares e cila vuan nga autizmi, ishte një sukses i padiskutueshëm. Video me zërin e saj të jashtëzakonshëm është shpërndarë mijëra herë në rrjetet sociale.
Vajza ka filluar të këndojë që në moshën 3 vjeçare. Familja dhe mësuesit e saj ndihen krenarë për rrugën që ajo ka bërë që kur nisi shkollën fillore.