Një baba britanik dhe djali i tij, të diagnostikuar me të njëjtin lloj kanceri , u është thënë nga NHS se nuk mund të mbulohen shpenzimet mjekësore vetëm për djalin.
Nathan Lewis, 30 vjeç dhe djali i tij 3 vjeçar Thiago, e morën lajmin pasi u ishte thënë se vuanin nga një sindromë e rrallë që shkakton rritjen e tumorit në sistemin nervor.
Por ndërkohë që 3 vjeçarit do t’i ofrohet ndihmë mjekësore, NHS ka refuzuar të mbulojë shpenzimet mjekësore për 30 vjeçarin që kohët e fundit ka zbuluar se ka dhe një kancer të dytë.
Familjes së tij i duhet te grumbullojë 50,000 paund për të mbuluar shpenzimet për trajtimin e tij dhe po vazhdon me sigurimin e kësaj shume.