Dy Eurofighter Typhoon kanë shoqëruar një aeroplan pasagjerësh të “Jet AirWays” i nisur nga Mumbai drejt Londrës.
Mjetit i janë afruar dy aeroplanë ushtarakë gjermanë, teksa fluturonte në qytetin e Kolnit, pasi piloti nuk është përgjigjur në radio.
Problemi, i cili është zbuluar më pas, ka qenë thjesht një çështje teknike. Kontaktet u vunë sërish falë kanaleve të emergjencës.
Aeroplani në fund ka arritur të ulet në Londër.
Pamjet e Boeing 777 i cili shoqërohet nga aeroplanët ushtarakë, janë filmuar nga një aeroplan i British Airways i cili udhëtonte në një njëjtën vijë ajrore me aeroplanin indian.
