Një adoleshente është qëlluar me pistoletë në pjesën e prapme të kokës në shtetin amerikan të Utah, me qëllim grabitjen e 55 dollarëve dhe një iPodi që ajo kishte.
Ky është përfundimi që ka arritur policia amerikane, pasi Deserae Turner, 14-vjeçe, u gjet në gjendje të rëndë në një kanal të thatë pas një kërkimi 6 orësh të familjes dhe miqtë e saj.
Dy 16-vjeçarë u arrestuar në lidhje me ngjarjen dhe akuzohen për tentativë për vrasje.
Policia tha se dy adoleshentët – të cilët nuk janë identifikuar – e kishin tërhequr 14-vjeçaren drejtë shtratit të një kanali të thatë afër shkollës në Smithfield duke e joshur se gjoja do t’i shisnin një thikë.
Por, djemtë kishin planifikuar ta vrisnin, t’i merrnin paratë, iPodin dhe telefonin, sipas aktakuzës.
Nxënësja e klasës së nëntë është në koma në një spital në Salt Lake dhe po lufton për jetën, tha një zëdhënës i familjes i cituar nga “BBC”.
Deserae u gjet mëngjesin e të Premtes nga miqtë e saj që e kishin gjetur vendndodhjen duke gjurmuar telefonin.
Sipas policisë, plani ka qenë që adoleshentja të vritej me thikë, por njëri prej autorëve kishte edhe një pistoletë “nëse plani i parë dështonte.”
Kjo ngjarje ka tronditur thellë komunitetin e vogël të qytetit.
