U nis si një kontroll rutinë i kamerave të sigurisë për të vëzhguar punonjësit në biznesin e saj, por pamjet e regjistruara prej tyre përfunduan në internet e u bënë virale.
Nurul Baker, pronarja e një lokali në Singapor mbeti e tmerruar nga ajo që pa nga video-filmimet. Në to shfaqet njëra prej kameriereve të saj që kryen veprime të çuditshme, më shumë të ngjashme me skenarët e filmit horror “The Ring”.
Ajo vendosi të shpërndajë në rrjetet sociale pamjet që i pa vetë.
“Kamarierja ime është e pushtuar nga djalli pasi doli nga dushi”, shkruan ajo në videon e shpërndarë.
Megjithatë, pjesa më e madhe e komentuesve ishin mosbesues. Ata thanë se videoja është e sajuar dhe kamarierja ka vendosur të bëjë këtë sjellje si strategji për t’i shpëtuar kontratës së punës që ka me pronaren.
“Ndoshta nuk dëshiron të punojë më për ty. Është e thjeshtë, lëre të largohet mos e mbaj me zor në punë”, i shkruan një përdorues.
