Merrni frymë thellë para se ta lexoni. Kjo është letra prekëse që drejtori i shkollës ju dërgoi prindërve

Ndryshe

Merrni frymë thellë para se ta lexoni. Kjo është letra prekëse që drejtori i shkollës ju dërgoi prindërve

Më: 17 prill 2017 Në ora: 10:39
Ilustrim

Drejtori i një shkolle në Singapor, një ndër shtetet me nivelin më të lartë të arsimit në botë, u ka dërguar këtë letër fantastike prindërve të nxënësve të shkollës së tij!

Lexojeni:

Të dashur prindër,

Provimet e fëmijëve tuaj do të fillojnë së shpejti. E di që të gjithë jeni në ankth, sepse doni që fëmija juaj të dalë mirë.

Por ju lutem, mos harroni, mes nxënësve që do të ulen për provime, ndodhet një artist, i cili nuk ka nevojë të kuptojë matematikën.

Ndodhet një sipërmarrës, i cili nuk do t’ia dijë për historinë, apo letërsinë angleze.

Ndodhet një muzikant, notat e të cilit në kimi nuk kanë rëndësi.

Ndodhet një sportist, për të cilin fitnesi fizik është më i rëndësishme se sa fizika.

Nëse fëmija juaj merr notat më të larta, kjo është e mrekullueshme! Por nëse jo, ju lutem mos ua hiqni vetëbesimin dhe dinjitetin.

Thuajuni që nuk ka problem, është thjeshtë një provim! Ata janë të prerë për gjëra shumë më të mëdha në jetë.

Thuajuni se, sido që të dalin, ju i doni dhe nuk do i gjykoni.

Ju lutem bëjeni këtë, dhe kur ta bëni, shihni fëmijët teksa pushtojnë botën. Një provim apo notë e ulët, nuk do ua heqë atyre ëndrrat dhe talentin.

Dhe ju lutem, mos mendoni se doktorët dhe inxhinierët janë njerëzit e vetëm të lumtur në botë.

Përshëndetje të ngrohta! Drejtori.

Sot mund të lexoni Shfletoni kopertinat