Burri i njohur vetëm si Edgardo nga Argjentina, është përqafuar nga një kondor gjigant, të cilin e ndihmoi pas rënies nga çerdhja, kur ishte shumë i vogël.
Kjo shpezë e ka mbajtur mend shpëtimtarin, që për një kohë e shëroi dhe bëri që t’i kthehet jetës normale.
“Shoqërimi ynë ka filluar, kur e gjeta të lënduar në tokë dhe vendosa ta ndihmoj. Ky është kthimi tij i parë dhe nuk më ka harruar”, ka shkruar Edgardo lidhur me rastin.
Filmimi është shpërndarë me shpejtësi në rrjetin social, ku janë lënë lëvdata të shumta, kryesisht nga dashamirët e kafshëve.
“Është shumë e bukur të kesh edhe një shok nga bota e egër”, është një nga komentet që ka marrë më së shumti pëlqime.
