Zbulohen varreza të lashta në Egjipt

Ndryshe

Zbulohen varreza të lashta në Egjipt

Më: 9 dhjetor 2017 Në ora: 19:36
Ilustrim

Egjipti ka njoftuar se janë zbuluar dy varreza të vogla antike, në jug të qytetit Luxor.

Konsiderohet se ato datojnë prej para 3,500 vjetësh dhe me këtë hap është shprehur dëshira që shteti t’i rrisë përpjekjet për gjallërimin e sektorit të turizmit.

Varrezat janë gjetur në pjesën perëndimore të lumit Nil, derisa janë zbulimi i fundit në vendin që njihet për tempuj dhe varreza që përfshijnë historinë e lashtë egjiptiane.

“Me të vërtetë është një ditë e jashtëzakonshme”, ka thënë ministri i Antikiteteve, Khaled al-Anani.

“E kemi ditur se ekzistojnë varreza private, mirëpo kjo është hera e parë që i kemi identifikuar ato”.

Al-Anani, ka thënë se zbulimet janë një tjetër përpjekje e ministrisë për të ringjallur turizimin, i cili është goditur rëndë nga sulmet ekstremiste dhe trazirat politike të vitit 2011.

Sot mund të lexoni Shfletoni kopertinat