Një burrë i devotshëm ka kaluar më në fund provimin e patentës në moshën 79-vjeçare, kështu ai mund të shoqërojë bashkëshorten në spital.
Keith Limbert, nga Britania, kishte marrë mësime për drejtimin e makinës që kur ishte i ri, por asnjëherë nuk kishte mundur që ta kalonte testin.
Në 58 vite martesë, gjithmonë makinën e kishte nisur bashkëshortja e tij Anne, edhe ajo po 79 vjeç.
Por Keith iu desh të tentonte sërish të merrte provimin e patentës pasi njeriu i saj i zemrës kishte pësuar një goditje në tru në tetor të vitit 2015. Anne e kishte të pamundur që të drejtonte makinën, prandaj duhet të udhëtonte me autobus.
Sëmundja e Annes detyroi burrin që t’i rikthehej edhe njëherë kursit të patentës, dhe pas dy përpjekjeve të dështuara, në të tretën arriti që të pajiset me leje drejtimi.
