Aeroplani i kompanisë holandeze Transavia në fluturimin HV6902 Dubai-Amsterdam është detyruar të aterrojë në aeroportin e Vjenës në Austri.
Arsyeja është bizare: Grindje në mesin e udhëtarëve, pasi një bashkudhëtar në aeroplan vazhdimisht kishte lëshuar gazra.
Sipas gazetës De Telegraaf, një person i moshuar gjatë fluturimit kishte maltretuar udhëtarët tjerë për shkak të gazrave.
Katër pasagjerë u ankuan me zë të lartë, por kur ekuipazhi i kabinës refuzoi të ndihmonte dhe "të heshtë" njeriun e moshuar, tensionet në aeroplan u përshkallëzuan.
Pavarësisht nga paralajmërimet e pilotëve, aeroplani u detyrua të aterrojë në Vjenë. Kamera regjistroi hyrjen e policëve austriak me qenë në aeroplan.
Policët nxorën katër pasagjerë të trazuar, duke përfshirë dy vajza, nga linja ajrore e tyre, ndërsa pasagjeri që lëshonte gazra vazhdoi fluturimin e tij në Amsterdam, transmeton KosovaPress.
“Nuk patëm fat duke u ulur në të njëjtën rresht me të,” tha 25-vjeçarja Nora L., një nga udhëtarët e dëbuar, e cila paralajmëroi padi kundër kompanisë ajrore.
