Punimet në Urën e Ibrit në Mitrovicë, të udhëhequra dhe të finansuara nga Bashkimi Europian, nuk zhvillohen që të plotësohen dëshirat dhe kërkesat as të shqiptarëve në njërën anë, e as të serbëve në anën tjetër. Ato zhvillohen me qëllim që më në fund pas 17+ viteve ti japin fund gjendjes status quo të Mitrovicës, gjendje kjo e cila u shkaktua personalisht nga Hashim Thaçi, i cili së bashku me Bajram Rexhepin dhe kaubojët e tyre të pasluftës, penguan dhe ndaluan banorët e pjesës veriore që të kthehen në shtëpitë dhe banesat e tyre qysh në ditët e para pas përfundimit të luftës.
Poashtu, këtu vlenë të theksohet edhe roli i poshtër i të ashtuquajturës Shtabi i Përgjithshëm i Likovcit, sot të njohur si Shtabi i milionerëve, të cilët dhanë urdhërin që luftëtarët e mëdhenjë dhe zemërluanë të Shalës dhe Mitrovicës të mos vazhdojnë çlirimin e asajë pjese të Kosovës, por të kthehen në pjesën jugore të Mitrovicës. Pasoj me hudhjen e dy granatave në të zbrazët nga Shikistët në drejtim të pjesës veriore, e cila edhe rezultoi me vendosjen e francezëve mbi Urën e Ibrit.
Ky është pra historiku i shkurtër i ngjarjeve se si erdhi deri tek ndarja e qytetit dhe kjo është e vërteta e vetme.
Kështu që, lista e atyre që simbas Nexhmedin Spahiut "duhet të dënohen me burg të përjetshëm për tradhëti të lartë ndaj atdheut" është shumë më i gjatë dhe lirisht mund të them se, në atë listë, padrejtësisht dhe pa kurrëfarë argumenti e përmend Kryeministrin Isa Mustafa, i cili as lidhje nuk ka me asnjë marrëveshe që dëmton qytetin e Mitrovicës. Kurse, në anën tjetër, jo vetëm që nuk i përmend marrëveshjet e viteve para Isa Mustafës të jaranit të tij, Hashim Thaçit, e sidomos atë për AKS-në të vitit 2013, por Nexhi nuk lejon as më të voglën shibël të hudhet në patronin e tij Hashimin dhe kompaninë e tij. Bile as që lejon të thuhet e vërteta se vetë Hasha dhe çoporri i tij gjysëmanalfabetësh bartin përgjegjësinë kryesore pse Mitrovica plotë 17 vite gjendet në këtë gjendje!
A thua pse?
Vetëm të rikujtojmë vitin kur Bajram Rexhepi u zgjodh kryetar i komunës së Mitrovicës në vitin 2007, i cili qysh ditët e para ia mbylli Nexhit TV Mitrovicën, të cilën ia lejoi ta hapë prap pas një kohe të shkurtër. A thua që ia lejuan ta hapë prap TV Mitrovicën pas një marrëveshjeje të fshehtë me Hashimin, apo ishte i kërcënuar nga Hashimi dhe kompania e tij që asnjëherë të mos guxojë të drejtojë kritika ndaj PDK-së, e sidomos ndaj Hashimit dhe kompanisë së tij?!?
Pse ky kërkon dënimin e Isa Mustafës, gjersa për Hashimin thotë se është "i pafajshëm për problemin e Mitrovicës"? Pse mundohet me manipuluar opinionin me pallavrat e tij dhe mbronë ata të cilët vërtetë e shitën pjesën veriore të Mitrovicës?
Simbas Nexhmedin Spahiut tërë trashëgimia e kulturës së Mitrovicës qenka në xhaminë e Urës së Ibrit e të djegur nga serbët gjatë agresionit të tyre në Kosovë në vitin 1999.
Është fakt se ishte një ndër xhamiat më të vjetra të Mitrovicës, por shtrohet pyetja, se a mundet tani të ndërtohet një xhami po aq e vjetër në atë vend? Apo, a me të vërtetë duhet zhdukur gjurmët e agresionit serb duke ndërtuar aty një xhami të re? ...dhe me atë të harrohet krejtësisht që aty dikur ishte një xhami shumë e vjetër të cilën e dogjën serbët duke vrarë dhe masakruar qindra shqiptarë mitrovicas nëpër tërë qytetin?
Ndërsa, sa i përket kohës së tashme dhe punimet në Urën e Ibrit tani, pse nuk del Nexhmedini dhe të thotë të vërtetën se tani për të parën herë pas 17 viteve ka qarkullim të lirë edhe matanë urës? Se dyçanet e serbëve në pjesën veriore vlojnë nga shqiptarët e pjesës jugore për shkak të çmimeve më të ulta të të gjitha artikujve?
Sa për përfundim, që të mos merrem më me një person plotë fiksideja dhe që mendon se i ka mbledhë mendtë e krejtë dynjasë, dua të them se tani për të parën herë që nga përfundimi i luftës që ka lëvizje pozitive drejtë bashkimit të qytetit të Mitrovicës. Sot, për të parën herë që nga përfundimi i luftës mund të qarkullohet lirshëm edhe përtej Urës së Ibrit. Sot, për të parën herë q? nga përfundimi i luftës, me ndihmën e BE-së, hiqet gjendja status quo në çështjen e Mitrovicës dhe hapet rruga drejt bashkimit të qytetit dhe që shqiptarët të kthehen së shpejti në pronat e tyre.
Andaj, dua t'i lus bashkëqytetarët e mi të Mitrovicës që të mos bien pre e manipulatorëve të caktuar, të cilët punojnë me porosi të atyre të cilët kanë përfitime personale nga ndarja e qytetit të Mitrovicës - plotë 17 vite.
Mos lejoni t'ju bindin që të pengohet projekti në vijim i BE-së duke kushtëzuar me ndërtim të ndonjë xhamie të re aty ku ishte e vjetra, sepse me atë kurrë nuk do të zëvendësohet ajo e vjetra dhe që është mëse e rëndësishme me këtë rast, është se këta çmos janë në gjendje të bëjnë vetëm që të pengojnë bashkimin e qytetit të Mitrovicës. Mos lejoni të përdoreni si vegla të qëllimeve të errëta të argatëve të dreqit!
Shkrimet në këtë rubrikë nuk janë qëndrime të redaksisë.
