Shqiptarët të vërtetën kanë mbështetësin kryesor mbi të cilin duhet mbështetur llozin (levin) për të lëvizur, çuar përpara çështjen tonë. Derisa tjerëve u duhet të falsifikojnë, shtrembërojnë, rrejnë e paraqitën ndryshe duke investuar aq shumë në përvetësimin e kulturave, heronjve që nuk kanë të bëjnë fare me ta.
Ne nuk kem çka të fshehim vetëm lypset të angazhohemi i madh e i vogël në nxjerrjen në dritë të së vërtetës që na mbuluan të tjerët me dredhi ashtu siç mbuluan e fshehën (betonuan) edhe të vrarit shqiptarë në luftën e vitit 1999 në poligone të policisë në Beograd e gjetiu.
Të themi me zë të lartë se raca jonë shqiptare asnjëherë nuk rrezikoi popuj tjerë, asnjëherë nuk shkroi elaborate për zhbërjen e fqinjëve, asnjëherë nuk i ra në qafë tjetrit, luftoi vetëm kur i duhej të mbrohej. Jemi këtu, ku jemi, qëkur mbiu lisi.
Me llozin e mbështetur në të vërtetën koha është të lëvizim e flakim edhe prapështitë tona: inatet e xhelozitë mes veti, dembelinë, ndasitë rajonale, ambiciet për të qenë bajraktar e gëzuar privilegje pakufi, ekstremizmin, mentalitetet e huaja etj.
Njerëz, detyrë kem ta duam para gjithçkaje tjetër shtetin. Po pate shtetin ke të gjitha.
