A do të ketë zgjidhje të 'ngërçit' politik pa ndërhyrje ndërkombëtare? - Bota Sot
A do të ketë zgjidhje të 'ngërçit' politik pa ndërhyrje ndërkombëtare?

Opinione

E martë, 26 shtator 2017

A do të ketë zgjidhje të 'ngërçit' politik pa ndërhyrje ndërkombëtare?

Nga: Nijazi Halili Më: 19 gusht 2017 Në ora: 11:23
Nijazi Halili

Një Qeveri me 61 vota, e cila do të kishte përballë një opozitë të fortë në njërën anë dhe në anën tjetër do të varej nga Lista Serbe, nuk tingëllon aspak si formulë stabiliteti. Kështu ka thënë analisti i njohur amerikan për Ballkanin, Daniel Serwer. Megjithatë, ai ka thënë se në këtë kontekst duhet të pritet dhe të shihet se çka realisht do të ndodhë.

Duke folur për situatën aktuale politike dhe ngërçin dymujor, Serwer ka thënë se kjo zvarritje do të ketë edhe koston e vet.

Më tej, analisti amerikan ka thënë se do të ishte shumë më mirë sikur klasa politike kosovare do të arrinte deri te një konsensus politik për gjetjen e një zgjidhjeje sesa vendi të dërgohej në zgjedhje të reja parlamentare.

Duke folur për mandatarin e dytë, nëse PAN-i nuk arrin që të krijojë Qeverinë, Serwer ka thënë se Kushtetuta e Kosovës ia mundëson dhënien e mandatarit “Vetëvendosjes” nga ana e presidentit, nëse kjo vërteton se ka mbështetjen e shumicës. Në fund Serwer ka folur edhe për dialogun Kosovë – Serbi.

Ai ka thënë se Serbia duhet ta njohë pavarësinë e Kosovës dhe ta heqë atë nga Kushtetuta sa më parë.

Shtrohet pyetja a do të ketë zgjidhje të 'ngërçit' politik pa ndërhyrje ndërkombëtare?

Sipas të gjitha gjasave duket se do të duhet një presion i madh ndërkombëtar që t'i përafrojë qëndrimet e partive politike, sepse asnjëra prej palëve nuk po jep ndonjë ide të qartë dhe realiste për të dalë nga kjo situatë e krijuar politike, për krijimin e Institucioneve të reja, të dala nga zgjedhjet e 11 qershorit 2017...!

Komentet
comments powered by Disqus
Sot mund të lexoni Shfletoni kopertinat
Sondazh
    test