Komunikimi publik në krizë - Bota Sot
Komunikimi publik në krizë

Opinione

E martë, 23 janar 2018

Komunikimi publik në krizë

Nga: Gëzim Mekuli Më: 12 janar 2018 Në ora: 22:39
Gëzim Mekuli

Në televizion, drejtëpërsëdrejti, Florim Krasniqi, ish-deputeti i VV-së, mbështetësi i madh i luftës clirimtare, mbrëmë, e la gojëhapur publikun shqiptarë!

E dëgjuam Florimin kur na tha se nuk duhet të ketë përzierje në punët e Kosovës nga ana e intelektualëve të Tiranës. Ai a befasoj kur, me emër e mbiemër, përmendi se “filan fisteku” duhet të bëjë diçka aty ku është, pra në Shqipëri, e jo të flet e të përzihet në punët e Kosovës.

A është e mundur kjo?

Politikat serbe, me vite të tëra, me dekada, me shekuj, e pandaluar, po përzihen në punët e Kosovës e të Shqipërisë. Beogradi, politikat e Beogradit, nuk ka ditë që nuk mirret me luftën speciale kundër Kosovës dhe kundër kombit shqiptar në përgjithësi.

Intelektualë serb, kisha ortodokse serbe, media e sistemi shkollor serb i kanë shpallë luftë politike, ekonomike e diplomatike shqiptarëvet të Ballkanit. Po përzihen serbët e nuk kanë të ndalur!
Edhe sot, pas masakrave dhe dhunimeve kolektive, Vuqiç dhe Daçiq, përmes SRPSKA, dhe pa SRPSKA, përdit po përzihen e po pengojnë zhvillimin diplomatik, social, e ekonomik të shtetit të Kosovës. Dhe, ky fakt nuk theksohet e nuk përpunohet në komunikimin tonë publik nga disa media shqipe, e as nga ca “debatues”!

Si bëhet kjo?

Xhemajl Kada e Asim Vokshi dhanë frymën e tyre të fundi në luftë për çlirimin e Spanjës së largët; Gjeografikisht e kulturalisht; Por, Tirana e afërt gjeografikisht e një kulturalisht, është pengesa!

Të dashur lexuesë,
Vështirë e mendueshme që sot, në këtë shekull, energjitë tona të jenë të orientuara kundër bërthamës politike të shëndoshë kombëtare.
– Kurrë nuk do e kisha menduar, që sot, ne vitin 2018, më shumë duhet t’u spjegojmë shqiptarëve se përse Albin Kurti është ideologu e përcuesi i vlerave kombëtare, e jo ai tjetri.
– Kurrë s’më kishte shkuar mendja, që sot, në vitin 2018, do të lodheshim duke tentuar t’ua mbushim mëndjen shqiptarëve se Skenderbeu është hero i shqiptarëve dhe se ai udhëhoqi luftërat çlirimtare kundër otomanizmit në interes të gjeopolitikës shqiptare.

– Asnjëherë nuk më kishte shkuar mëndja, që sot, në vitin 2018, do të duhej të spjegoj para shqiptarëve se Gonxhe Bojaxhiu ishte shqiptare, e jona shqiptare, e jo tjetërfare.

– Nuk do e kisha menduar kurrë, se në vitin 2018 do duhej të mireshim me shqiptarët për t’u sqaruar e kristalizuar se Lidhja Shqiptare e Prizrenit ishte vetëdija jonë politike dhe organizimi ynë i papërfunduar kombetar, e jo ajo otomane.

– Kurrë, asnjeherë, në asnjë moment, nuk më kishte shkuar mëndja se në vitin 2018, do të na duhej shumë punë, shumë energji e kohë, për të bindur shqiptaret se Ushtria Çlirimtare e Kosovës nuk ishte plaçkitëse, nuk ishte raciste, nuk ishte pushtuese e as shoveniste.

Kurrë, hiq e asnjëherë nuk do t’më ksihte shkuar mendja që do të vie një ditë që të mborjmë Vetëvendosjen! nga “Vetevendosja”.

Komentet
comments powered by Disqus
Sot mund të lexoni Shfletoni kopertinat
Sondazh
    test