Kompania rajonale e ujësjellësit “Hidrodrini” në Pejë ka intensifikuar angazhimet e saj në terren për zbulimin e keqpërdoruesve të ujit të pijshëm nga sistemi i rrjetit të ujësjellësit dhe arkëtimin e borxheve.
Për këto aksione të përditshme “Hidrodrini” ka formuar dy ekipe që po veprojnë paralel në terren. Në fokus të ekipit të parë janë zbulimet e lidhjeve ilegale.
Derisa ekipi i dytë, i shoqëruar edhe nga pjesëtarët e policisë, po u troket derë në derë borxhlinjve për nxjerrjen e borxheve.
Deri tani janë zbuluar afro 200 lidhje ilegale në rrjetin e ujësjellësit.
Drejtori i “Hidrodrinit”, Agron Tigani, tregon se aksionet aktualisht po zhvillohen në vendbanimet rurale, në të cilat janë zbuluar mjaft keqpërdorues të ujit të pijshëm.
