Shkollat që promovohen në Kosovë, rrallë kanë inspektimet e duhura. Krejt çfarë duket se bëjnë zyrtarët e lartë shtetëror është që të promovojnë ambientet e reja të shkollave e objekteve që financohen nga qytetarët taksapagues.
Javën e kaluar u përurua objekti i shkollës fillore në fshatin Raushiq të komunës së Pejës, inauguruar nga ministri i Arsimit dhe zyrtaret e komunës së Pejës.
Me flamuj partiakë dhe me atmosferë festive, sharmi që ju dha këtij përurimi nuk i ka ndarë të kënaqur fëmijët dhe prindërit e kësaj shkolle.
Ata kanë dërguar foto dëshmi që tregojnë se shkolla është punuar ‘shkel e shko’.
Në foto më poshtë shihen mjaftë detaje të punuara keq. Pamjet flasin vetë.