Korrupsioni kryesisht e ka burimin që nga financat e partive politike. Kjo tashmë nuk është perceptim por fakt, derisa edhe partitë politike, mundohen që me çdo kusht t’i mbajnë të fshehtat financat. Deri më tani ka pasur shumë mjegull rreth asaj se nga financohen partitë politike, kur kihen parasysh shpenzimet milionëshe që i bëjnë kryesisht në fushata zgjedhore. Në këtë mënyrë është krijuar edhe lidhja e bizneseve të caktuara me pushtetin.
Në këmbim të parave që ata japin, në një farë mënyrë kanë nën kontroll politikanët si dhe pothuajse tërë pasurinë e vendit. Më herët, Kuvendi i Kosovës, ka dështuar në përzgjedhjen e auditorit, i cili do të merrte përsipër auditimin e pasqyrave financiare të subjekteve politike në vend.
Ofertat e pamjaftueshme kanë bërë që të mos mund të bëhet përzgjedhje të auditorit, i cili në njëfarë mënyre do të verifikonte pasqyrat financiare të partive politike.
Ndërkohë analistët politikë prej kohësh u bien këmbanave, pasi spas tyre terri financiar u përshtatet partive politike. Kështu, duke mos e treguar origjinën e parave dhe shumën që e shpenzojnë, partitë politike kanë instaluar korrupsionin në Kosovë, duke i mbajtur kështu qytetarët të izoluar dhe nën sundimin e tyre.
Fshehtësinë e financave të partive politike në Kosovë, e ka konstatuar edhe Zyra e Bashkimit Evropian.
(Tekstin e plotë mund ta lexoni të Hënën në publikimin e shtypur të gazetës kombëtare “Bota sot”)
