“Në fakt, Drejtori i AKI-së, nuk ka dhënë dorëheqje të vullnetshme. Ndoshta formalisht ai ka dhënë dorëheqje por praktikisht ai është shkarkuar nga Thaçi. Shkarkimi i tij ka pasuar në një situatë shumë delikate dhe të ndërlikuar për Kosovën në fushën e sigurisë”, ka thënë Selimi.
Presidenti i Republikës së Kosovës, Hashim Thaçi, bashkë me kryeministrin e vendit, Isa Mustafa kanë emëruar drejtorin e ri të Agjencisë së Kosovës për Inteligjencë (AKI).
“Duke u bazuar në Nenin 84 (21) dhe Nenin 94 (8) të Kushtetutës së Republikës së Kosovës, si dhe Nenin 5 (3 dhe 5) të Ligjit nr. 03/L-063 për Agjencinë e Kosovës për Inteligjencë, presidenti Thaçi dhe kryeministri Mustafa, morën vendim për emërimin e Driton Gashit, Drejtor i Agjencisë së Kosovës për Inteligjencë”, thuhet në komunikatën për media.
Driton Gashi në këtë pozitë do ta zëvendësoj të shkarkuarin, Agron Selimaj, i cili dha dorëheqje nga kjo pozitë.
Dorëheqja e tij, u tha se vjen pasi që është raportuar për një sërë shkeljesh të nxjerra nga një raport i auditimit të brendshëm në AKI, por ekspertët e vlerësoijnë ndryshe, veprimin e tij.
Sipas tyre, kjo nuk është dorëheqje, por është shkarkim dhe arsyen e vërtetë, sipas të njëjtëve, e dinë udhëheqësit e vendit. Deputeti i Kuvendit të Kosovës, nga Lëvizja Vetëvendosje, Rexhep Selimi ka thënë, se dorëheqja e drejtorit të AKI-së Selimaj ,nuk ishte e vullnetshme dhe se shkarkimi ka qenë i ndërlikuar për vendin.
“Në fakt, Drejtori i AKI-së, nuk ka dhënë dorëheqje të vullnetshme. Ndoshta formalisht ai ka dhënë dorëheqje por praktikisht ai është shkarkuar nga Thaçi. Shkarkimi i tij ka pasuar në një situatë shumë delikate dhe të ndërlikuar për Kosovën në fushën e sigurisë”, ka thënë Selimi.
Gjithashtu, Selimi ka ndërlidhur edhe shkarkimin e më hershëm të drejtorit të AKI-së dhe ka thënë se këto shkarkime i ka bërë ish Kryeministri dhe Presidenti i tanishëm Hashim Thaçi.
“Ndoshta jo rastësisht, në kohën e ndërhyrjes në veri ne 2011-tën, në pikat kufitare në Veri u shkarkua Drejtori i atëhershëm i Përgjithshëm i Policisë e po ashtu në kohën e ndërhyrjes për trenin në 2017-tën u shkarkua Drejtori i AKI-së. Të dyja këto shkarkime kanë ardhur si presion i të njëjtit person, atëherë Kryeministër e tash President.
Të largohen ish shërbetorët e regjimit nga postet
Ndërsa, analisti i sigurisë, Muhamet Kelmendi e ka vënë në dyshim, faktin se Selimaj, mund të jetë larguar për shkak të deklaratës së tij, se Kosova është një vend i sigurt.
“Nuk mendoj se është ndonjë institucion i Kosovës i sigurtë nga forcat e vendit tonë. Ne kemi një shoqëri që vjen nga një sistem, i cili ka qenë shumë i rrezikshëm dhe ka arritur, që në gjirin e sistemit, qoftë gjoja si komunistë, qoftë nga struktura e shërbimit të sigurimit të shtetit, qoftë nga puna. Kështu janë futur në shërbim shumë qytetarë të Kosovës, që tash janë instaluar në të gjitha poret e shtetit”, ka thënë Kelmendi.
Gjithashtu, ai ka thënë, se nuk kemi vend për ish shërbëtoret e regjimit që nuk janë aktualisht në vendet vendimmarrëse.
“Te, lëndët kemi ngecje, korrupsion dhe krim të organizuar. Merreni gjyqësorin, apo ministritë, kuvendet komunale a Kuvendin e Kosovës, bordet, Prokurorinë dhe Policinë, pa folur për ekonominë e vendit, që nuk janë në duar të ish-shërbëtorëve të regjimit”, ka shtuar Kelmendi. Sipas të njëjtit, vendi është në prag të kolapsit nga forcat e tilla dhe të tjera, që gjoja dolën nga lufta dhe tash e shkatërruan shtetin.
Kosova e mbushur me agjentë të huaj
Ndërsa, eksperti i sigurisë, Hajrullah Tërnava ka thënë, se çdo ditë i dëgjojmë fjalët më të forta nga udhëheqësit e Kosovës, edhe pse nuk e ka ushtrinë e saj ende, e lëvdojnë Kosovën dhe sigurinë e saj e sidomos policinë si më të aftën në rajon.
“Dihet, se Kosova është e stërmbushur nga agjentë të shërbimeve të huaja. Nësr mendojmë të kundërtën mos pyet për ne. Çdo ditë i dëgjojmë fjalët më të forta nga udhëheqësit e Kosovës, edhe pse nuk e ka ushtrinë e saj ende, e lëvdojnë Kosovën dhe sigurinë e saj, sidomos policinë si më të aftën në rajon”, ka thënë Ternava.
Po ashtu, ai ka thënë, se po shihen dështimet e njëpasnjëshme më vend që të japin dorëheqje për premtimet e pa realizuara. Ndërsa, për largimin e ish drejtorit e AKI-së, ai ka thënë, se Kosova asnjëherë s`do të jetë e sigurtë. “Kosova në bazë të konfiguracionit territorial me fqinjët e saj, asnjëherë s`do të jetë e sigurtë dhe gjithnjë duhet të jetë në të ardhmen vigjilente në sigurinë e saj”, ka thënë Tërnava.
Sipas të njëjtit, arsyjeja e largimit të Selimajt po mbahet e fshehtë. “Mendoj se në ndërrimin e tij ka diçka tjetër që veç të mëdhenjtë e këtij shteti e dinë e që po mbahet sekret. Qytetarët sa i përket këtij ndërrimi janë skeptik dhe të hutuar”, ka përfunduar Tërnava.
Gazeta “Bota sot”, ka kontaktuar edhe me institucionin e AKI –së, në lidhje me dyshimet që janë ngritur pas largimit të Drejtorit të kësaj Agjencie, Agron Selimaj, mirëpo nuk kemi marrë njuë përgjigje prej tyre.
