Gazeta amerikane The Wall Street Journal ka publikuar një artikull me titullin “Rrahjet më të mëdha politike të botës” dhe pjesë e videos së artikullit janë edhe seancat me gaz të Parlamentit të Kosovës.
Wall Street Journal shkruan se senati i Shteteve të Bashkuar të Amerikës nuk është më vend i rrahjeve me grushte, por një gjë e tillë ndodh ende nëpër shumë vende të botës.
Ky artikull i kësaj gazete për Bajram Gecajn, zëvendësministër dhe këshilltar i kryeministrit Isa Mustafa, është shumë i dëmshëm për reputacionin e Kosovës dhe ai ka shkruar në Facebook se opozita me këto veprime ia ka qitur “faqen e zezë” Kosovës.
“Na qitën faqen e zezë dhe na ‘lanë në derë’ edhe për të ardhmen”, ka shkruar Gecaj në llogarinë e tij në Facebook.
Pos pamjeve të parlamentit të Kosovës në video ka pamje nga shtëpi legjislative të vendeve të ndryshme si në; Japoni, Turqi, Ukrainë e Afrikë të Jugut.
Lexo edhe këtë
Gazi në Parlamentin e Kosovës në mesin e incidenteve më të mëdha politike në botë