“Të gjithë ne si popullatë jemi të shqetësuar për armatimin e ushtrisë Serbe kohëve të fundit, por Ministri i PJ të Kosovës, po e shfrytëzon dhe po bën luftë speciale për qëllime të kësaj Qeverie dhe po hedhin mjegull me qëllim që të heshtet dhe të miratohet Demarkacioni, të formohet Asociacioni i Komunave serbe, të harrohet dhe mjgullohet rasti Pronto, rasti i Astrit Deharit e shumë dështimeve të kesaj qeverie”, ka thënë Hajrullah Tërnava
Sekretari i Përgjithshëm i NATO-s, Jens Stoltenberg, ditë më parë gjatë vizitës në Kosovë, kishte siguruar qytetarët e Kosovës, se KFOR-i është këtu për të garantuar paqen. Por, rritja e potencialit ushtarak nga ana e Serbisë, është ngritur si shqetësim së fundmi nga Ministri i Punëve të Jashtme Enver Hoxhaj. Këtë shqetësim, Ministri Hoxhaj e ka ngritur teksa raportonte në Komisionin për punë të jashtme.
Me këtë rast, ai ka përmendur deklaratat e Kryeministrit serb, për armët dhe aeroplanët që ka blerë ky shtet. Gazeta nuk ka marr përgjigje nga MPJ-ja, se çfarë masash po ndërmerren për t`u mbrojtur nga këto kërcënime, edhe pse ka prituyr për ditë tëra. Ndërkaq, në rrethin politik po komentohet se deklarata e Ministrit Hoxhaj, ka rënë në kundërshtim me deklaratën e Sekretarit të Përgjithshëm të NATO-s , i cili gjatë vizitës në Kosovë, siguroi institucionet e Kosovës dhe qytetarët se forca e KFOR-it do të mbetet në Kosovë për të siguruar një mjedis të qetë e paqësor. “NATO është në Kosovë. NATO e ka forcën e vet, KFOR-in këtu, që garanton paqen dhe sigurinë në këtë rajon, si pjesë e angazhimit për ruajtjen e paqes në Evropë”, ka thënë Stoltenberg.
Faton Topalli, deputet i Kuvendit të Kosovës, nga radhët e Lëvizjes Vetëvendosje, ka thënë për gazetën “Bota sot”, se Qeveria e Kosovës do të duhej t`a kishte parasysh kërcënimin e vazhdueshëm të Serbisë.
(Tekstin e plotë mund ta lexoni të Hënën në publikimin e shtypur të gazetës kombëtare “Bota sot”)