Kreu i AAK-së, Ramush Haradinaj ka thënë se zgjedhjet e përgjithshme do të mbahen së shpejti, por pa specifikuar ndonjë muaj të caktuar. Po ashtu, ish-kryeminsitri Haradinaj ka deklaruar në media se vijat e kuqe i vendos populli. Andaj kushdo që fiton vet s’mund të bëjë asgjë, prandaj do të ishte e dëmshme që mos të pranohen zgjedhjet. Me këtë rast Haradinaj lë të nënkuptohet se nuk ka vija të kuqe as për PDK-në e as për LDK-në.
Lidhur me këto deklarata, ish-kryetari i Komunës së Lipjanit nga radhët e Partisë Demokratike të Kosovës, Shukri Buja ka thënë se kanë afërsi të mirë me AAK-në. Madje, ai nuk e ka përjashtuar mundësinë e koalicionit të përbashkët.
“Është e vërtetë që nuk kemi vija të kuqe me AAK-në, ndërsa më të për afërt jemi me njerëzit që kemi qenë bashkë në një përudhë të vështirë të një populli e që është pikërisht aleanca për ardhmërinë e Kosovës”, ka thënë për indeks Buja.
Më tej, deputeti i PDK-së ka treguar se janë të përafërt me AAK-në për arsye se kanë qenë në një periudhë shumë të vështirë të një populli.
“Besoj qe është shumë e qarte unë jam shumë i interesuar që të bëhet koalicioni me partitë që jemi të për afërta të cilat kemi qenë një periudhë shumë të vështirë të një populli bashkë dhe mund ta nxjerrim këtë popull nga kjo situatë që është krijuar, ne në veçanti me Aleancën për Ardhmërinë e Kosovës”, ka përfunduar ai.
