Ish-Këshilltari i Hashim Thaçit, tash, zyrtar i Lëvizjes Vetëvendosje, Dukagjin Gorani, duket se tash ka marrë rolin e të deleguarit të Albin Kurtit te Presidenti i Turqisë, Rexhep Taip Erdogan.
Gorani së fundmi ka marrë pjesë në një takim me Presidentin e Turqisë, Rexhep Taip Erdogan.
Ky njoftim nuk është bërë nga Lëvizja Vetëvendosje, por nga një student i Kosovës në Ankara. Ai ka njoftuar se bashkë me Goranin kanë qenë pjesë e takimit me Presidentin e Turqisë.
“Me prof.Dukagjin Goranin, në takimin e organizuar nga Presidenti i Turqisë për rajonin e Ballkanit”, ka shkruar studenti.
Lidhjet e Erdogan me zyrtarët e Vetëvendosjes kanë ardhur pas refuzimit të Qeverisë për t’i mbyllur shkollat turke të Fetullah Gulenit në Kosovë. Në këtë mënyrë, raportet e Erdoganit janë ftohur me zyrtarët e PDK’së dhe LDK’së
Në këtë situatë, Lëvizja Vetëvendosje në heshtje është duke forcuar lidhjet me pushtetin e Presidentit të Turqisë, Rexhep Taip Erdogan.
