“Ata kanë ardhur në Kosovë, kanë dhunuar gra dhe vajza, kanë djegur e shkatërruar, kanë vrarë burra gra fëmijë e pleq, askush nuk i ndjek dhe ka dëshmi se kriminelët e tillë sillen nëpër Kosovë dhe kanë gjetur këtu njëfarë mbrojtje të heshtur”, ka thënë Pacolli, i pyetur se përse nuk ndiqen serbët për krimet e luftës në Kosovë.
Bota sot: Sa i përket koalicioneve thatë që jeni të hapur për të gjithë. Po sa i përket partisë Alternativa.
Behgjet Pacolli: Nëse është ndonjë parti politike nuk ka problem.
Bota sot: Por kryetarja e kësaj partie është ish partiake e juaja?
Behgjet Pacolli: Nuk punojmë as me zili as me inate. Nuk kemi inate për këta njerëz. Nëse edhe ata janë të gatshëm të implementojnë programin e AKR-së, apo nëse kanë diçka më të mirë për të propozuar le të vijnë me propozime, pa marrë parasysh kush janë ata.
Bota sot: Një çështje që është folur shumë është edhe Gjykata Speciale...
Behgjet Pacolli: Nuk shprehen fare për këtë pasi nuk e kam votuar fare Gjykatën Speciale dhe nuk mendoj se i është dhënë një mandat i drejtë, pasi ajo trajton vetëm një periudhë shumë të shkurtër dhe kjo nuk është një problem i madh që e mundon qytetarin e Kosovës. Është dashur një gjykatë që e heton prej luftës e këndej. Por përpos asaj që do të trajtojë do të duhej të trajtohen krimet ekonomike që i janë bërë Kosovës për këto 18 vite, prandaj personalisht besoj shumë pak në efektivitetin e asaj gjykate, që është votuar nga Kuvendi i Gjykatës Speciale.
(Tekstin e plotë mund ta lexoni të Premten në publikimin e shtypur të gazetës kombëtare “Bota sot”)